«ялпи мажлис» тегли мақолалар
Олий Мажлис фаолиятини Конституциянинг янги таҳририга мослаштириш бўйича қонун маъқулланди
Сенаторлар Олий Мажлис палаталари фаолиятига оид қонунларни янги таҳрирдаги Конституцияга мувофиқлаштириш бўйича қонунни маъқуллади. Унга кўра, Сенат аъзолари сони 100 тадан 65 тага қисқаради, уларнинг 9 нафарини президент тайинлайди, Қонунчилик палатаси ва Сенат ўзини ўзи тарқатиб юбора олади.
Сенат қўшимчалар киритилган «Йўл ҳаракати тўғрисида»ги қонунни кўриб чиқади
Сенатнинг 46-ялпи мажлиси 27 октябрь куни ўтказилади. Унда «Пробация тўғрисида»ги, «Йўл ҳаракати тўғрисида»ги қонунлар кўриб чиқилади. Шунингдек, болалар омбудсманини сайлаш тўғрисидаги масала ҳам кўриб чиқилиши режалаштирилган.
Сенат фармацевтика фаолиятини такомиллаштириш билан боғлиқ қонунни кўриб чиқади
Сенатнинг 45-ялпи мажлисида фармацевтика фаолиятини такомиллаштириш, шунингдек, педогогнинг мақоми ва ер тўғрисидаги қонунлар кўриб чиқилади. Сенаторлар Қуролли кучлар тизимида қонунийликни таъминлаш ҳамда омбудсман ўринбосарини сайлаш ҳақидаги қонунларни ҳам муҳокама қилади.
Сенатнинг ялпи мажлиси 22 июнь куни бўлиб ўтади
Сенат галдаги ялпи мажлисда норматив-ҳуқуқий ҳужжатлар ва лойиҳаларининг коррупцияга қарши экспертизаси тўғрисидаги қонунни, Ўзбекистон-Қозоғистон давлат чегарасини демаркация қилиш битимини ва Покистон билан ҳарбий-техникавий ҳамкорлик битимини ратификация қилиш ва бошқа ҳужжатларни кўриб чиқади.
Сенатнинг қирқинчи ялпи мажлиси 3 май куни чақирилади
Олий Мажлис Сенатининг қирқинчи ялпи мажлиси 3 май куни чақирилади. Унда тадбиркорларнинг пул маблағлари дахлсизлигини таъминлаш, ходимларни касбий хавф-хатардан ҳимоя қилиш ҳамда Тожикистон билан ҳаво ҳудуди ва аэродромлардан фойдаланиш битими тўғрисидаги қонунлар кўриб чиқилади.
Сенатда аёллар ва болалар ҳуқуқи ҳимоясини кучайтиришга қаратилган қонун лойиҳаси кўрилади
Сенатнинг ўттиз тўққизинчи ялпи мажлиси 6 апрель куни чақирилади. Унда давлат чегарасини қўриқлаш, Озарбайжон билан ҳарбий ҳамкорлик, Қозоғистон билан маҳкумларни топшириш ҳамда хотин-қизлар ва болалар ҳуқуқлари ҳақидаги қонунлар кўриб чиқилади. Ташқи ишлар вазирлиги ва омбудсман ҳисоботи эшитилади.
Ўзбекистонда ишлаб чиқарилмаган товарлар учун ҳам истеъмол кредити ажратилади
Сенат импорт қилинадиган товарларга истеъмол кредитлари тақдим этишга рухсат берувчи қонунни маъқуллади (ҳозир ушбу турдаги кредит фақат маҳаллий автомобиллар ва маиший техника учун берилади). Ҳужжат президент томонидан имзоланиши керак.
Ҳайдовчиларни тайёрлаш ва қайта тайёрлаш соҳасини лицензиялаш ИИВга ўтказилмоқда
Ҳайдовчиларни тайёрлаш ва қайта тайёрлаш соҳасини лицензиялаш Вазирлар Маҳкамаси ҳузуридаги Таълим сифатини назорат қилиш давлат инспекциясидан Ички ишлар вазирлигига ўтказилмоқда. Шунингдек, ушбу лицензия учун тўланадиган давлат божи БҲМнинг 10 баравари миқдорида белгиланмоқда.
Сенатнинг ўттиз олтинчи ялпи мажлиси 27 декабрь куни чақирилади
Олий Мажлис Сенатининг навбатдаги ялпи мажлиси 2022 йил 27 декабрь куни чақирилади. Унда 2023 йил учун Давлат бюджети тўғрисидаги, Ўзбекистон ва Туркия ҳукумати ўртасида маҳкумларни топшириш тўғрисидаги битим ва бошқа қонунлар кўриб чиқиш режалаштирилган.
Сенат бир қатор қонунлар ва айримларига ўзгартишлар киритишни кўриб чиқади
Сенат 7 октябрдаги ялпи мажлисда кўчмас мулкка бўлган ҳуқуқларни давлат рўйхатидан ўтказишга оид ва янги таҳрирдаги стандартлаштириш тўғрисидаги қонунни кўриб чиқади. Қолаверса, Оролбўйи минтақаси бўйича ҳукуматга юборилган сўров натижаси ҳамда Фарғона вилояти ҳокимининг ҳисоботи муҳокама қилинади.
Сенат раиси — ҳукуматга: «Ҳаммасини давлат раҳбарига ташлаб қўйиш керак эмас»
Танзила Нарбаева дарахтлар кесилиши, талабалар ётоқхонаси, пойтахтдаги тирбандликлар каби муаммолар тармоқларга чиққанидан кейингина, ҳукумат ҳаракатга тушишини танқид қилди ва президентнинг ўзи ечим топиб бераётганини айтди. «Ҳаммасини давлат раҳбарига ташлаб қўйиш керак эмас», — деди Сенат раиси.
«Бу аудиторияга текширилган рақамлар олиб чиқилади». Танзила Нарбаева — ССВ раҳбари ўринбосарига танбеҳ берди
Сенат ялпи мажлисида сенатор чақалоқлар учун зарур бўлган икки дори мавжуд эҳтиёжнинг 50 фоизини ҳам қамраб олмаётганини танқид қилди. ССВ раҳбари ўринбосари у келтирган рақамларга шубҳа билан қаради. Сенат раиси Танзила Нарбаева унга танбеҳ бериб, рақамлар таҳлил асосида тайёрланганини айтди.
Аманбай Оринбаев Сенат раисига ўринбосар бўлди
Сенатнинг ўттиз иккинчи ялпи мажлисида Аманбай Оринбаев Сенат раисига ўринбосар этиб сайланди. Шу пайтга қадар ўринбосар бўлган Мурат Каллибекович Камалов лавозимидан озод этилди.
Сенатнинг навбатдаги ялпи мажлиси 13 сентябрь куни чақирилади
Сенатнинг 32-ялпи мажлиси 13 сентябрь куни чақирилади. Унда ташқи меҳнат миграцияси, пенсия таъминоти, электрон тижоратга оид қонунлар кўриб чиқилади. Қолаверса, давлат бюджетининг биринчи ярим йилликдаги ижроси юзасидан ВМ ҳисоботи ҳамда ташқи ишлар вазирининг ахбороти эшитилади.
«Сенат „ади-бади“ айтишиб ўтирадиган жой эмас». Танзила Нарбаева агентлик директори ва вазир дебати ҳақида
Сенатда Антикоррупция агентлиги раҳбари Акмал Бурхонов 2021 йилда соғлиқни сақлаш тизими энг коррупциялашган соҳа бўлганини маълум қилди. ССВ раҳбари эса буни «катта рақамлар ортидан қувиш» деб атади ва судда ўз тасдиғини топганини шубҳа остига олди. Танзила Нарбаева баҳсга аралашишга мажбур бўлди.
Сенат никоҳ тузишдаги бир ойлик муддатни бекор қилишга оид қонунни рад этди
Сенат Оила кодексига ўзгартишлар киритишни рад этди. Бунга, никоҳ тузишдаги бир ойлик муддатни бекор қилиш ва тиббий кўрикдан сўнг никоҳни қайд этиш таклифи сабаб бўлди. Сенаторларнинг фикрича, бу муддат ёш турмуш қурганларни оилавий ҳаётга тайёрлаш ва ажралишлар сони камайишига имкон беради.
Сенатнинг навбатдаги ялпи мажлиси 4 август куни чақирилади
Сенатнинг 29-ялпи мажлиси пайшанба куни чақирилади. Унда Уй-жой кодексини тасдиқлаш, Оила кодексига ўзгартишлар киритиш, Давлат қарзи тўғрисидаги ва бошқа қонунлар муҳокама қилинади. Ҳукумат ва ИИВнинг ахбороти эшитилади, Антикоррупция агентлиги ва Бухоро вилояти ҳокимининг маърузаси кўриб чиқилади.
Сенатнинг навбатдаги ялпи мажлиси 8 июль куни чақирилади
Сенатнинг 28-ялпи мажлиси 8 июль куни чақирилади. Унда солиқ маслаҳати, аҳолини табиий ва техноген фавқулодда вазиятларда муҳофаза қилиш, Солиқ кодексига қўшимча ва ўзгартишлар киритишга оид қонунлар кўриб чиқилади. Вазирлар Маҳкамаси Давлат бюджети ижроси тўғрисида ҳисобот ҳам беради.
Сенатнинг навбатдаги ялпи мажлиси 28 май куни чақирилади
Сенатнинг 26-ялпи мажлиси 28 май куни бўлиб ўтади. Унда сенаторлар «Давлат фуқаролик хизмати» ва «Давлат эҳтиёжлари учун ер участкаларини компенсация тўлаш шарти билан олиб қўйиш тартиби тўғрисида»ги ва бошқа қонунларни кўриб чиқади. Қолаверса, Вазирлар Маҳкамасига юборилган иккита парламент сўрови натижалари муҳокама қилинади.
Сенатнинг навбатдаги ялпи мажлиси 28 апрель куни чақирилади
Сенатнинг 25-ялпи мажлисини 28 апрель куни чақирилади. Унда 9 та қонун, шу жумладан, почта алоқаси, ичимлик суви таъминоти, қўриқлаш фаолияти, халқаро тижорат арбитражи тўғрисидаги қонунлар муҳокама қилинади. Қолаверса, Вазирлар Маҳкмаси, Ҳисоб палатаси, Марказий банк, бош прокурор ва адлия вазирининг ҳисоботлари тингланади.
Энг кўп ўқилган хабарлар | Сўнгги янгиликлар
- «Тақиқлар амалда ишламаяпти». Ўзбекистонда букмекерлик фаолиятини қонунийлаштиришдан мақсад нима? (1)
- «Боғнинг менежери давлат бўлиши нотўғри. Бутун дунёда шунақа» — Тошкент ҳокими (видео)
- Ўзбекистон футболчилари U-23 Осиё кубоги ярим финалига чиқди (+ видео)
- Сирдарёда 3 кишининг куйган жасади қотиллик аломатлари билан топилди
- Volkswagen ва Volvo Ўзбекистон фуқароларини Словакияга ишга таклиф қилмоқда
Қўшимча имкониятларга эга булиш учун сайтда рўйхатдан ўтинг